နယူးယောက်မြို့လယ်မှာ အာမခံကုမ္ပဏီအကြီးအကဲကို ပစ်သတ်သွားသူ ဖမ်းမိပြီ

ဝါရှင်တန်၊ ဒီဇင်ဘာ-၁၀-၂၀၂၄
မျိုးဆက်(VOM)

UnitedHealthcare ကျန်းမာရေးအာမခံကုမ္ပဏီအကြီးအကဲ ဘရိုင်ယန်သော်မဆင်ကို နယူးယောက်မြို့လယ်မှာ သေနတ်နဲ့ ပစ်သတ်သွားတဲ့ အသက် ၂၆ နှစ်အရွယ် အမျိုးသားတယောက်ကို ရဲတပ်ဖွဲ့က ဖမ်းဆီးထိန်းသိမ်းလိုက်ပါတယ်။

နယူးယောက်မြို့ အနောက်ဘက် မိုင် ၂၈၀ အကွာ ပင်ဆယ်ဗေးနီးယားပြည်နယ် ၊ အယ်လ်တိုနာမြို့ရှိ မက်ဒေါ်နယ်ဆိုင်တဆိုင်မှာ လာရောက်စားသုံးသူတယောက်က သေနတ်သမားကို မှတ်မိသတင်းပေးမှုကြောင့် ရဲတပ်ဖွဲ့က ဖမ်ဆီးနိုင်ခဲ့တာဖြစ်ပါတယ်။

လူအိဂျီမန်ဂျိုနီဆိုသူရဲ့ ကျောပိုးအိတ်အတွင်းမှ သရီးဒီပစ္စတိုတစ်လက်၊ အသံတိတ်ကိရိယာနဲ့ ၉ မမကျည်ခြောက်တောင့်ပါတဲ့ ကျည်ကဒ်တခုအပြင် စိတ်အားထက်သန်မှုနဲ့ သူ့အတွေးအမြင်တွေကို ရေးထားတဲ့ စာရွက်စာတမ်းတခုကိုလည်း သိမ်းဆည်းရမိခဲ့ကြောင်း ရဲတပ်ဖွဲ့ကဆိုပါတယ်။

နောက်ပိုင်းမှာတော့ ပင်ဆယ်ဗေးနီးယားတရားရုံးက ကနဦးစွဲချက်ငါးခုနဲ့ စွဲချက်တင်ခဲ့ပြီး အာမခံကို ပယ်ချထားပါတယ်။ ဒီဇင်ဘာ ၉ ရက်မတိုင်မီထိ သံသယရှိသူစာရင်းမှာ သူမပါဝင်ခဲ့တာကြောင့် ဖမ်းဆီးမှုအပေါ် အံ့အားသင့်ခဲ့ကြောင်း စုံစမ်းစစ်ဆေးသူတွေက ပြောပါတယ်။

UnitedHealthcare ကျန်းမာရေးအာမခံကုမ္ပဏီအကြီးအကဲ ဘရိုင်ယန်သော်မဆင်ဟာ လွန်ခဲ့တဲ့ ဒီဇင်ဘာ ၄ ရက်က နယူးယောက်ရှိ ဟီလ်တန်ဟိုတယ်မှာ ပြုလုပ်မယ့် ရင်းနှီးမြုပ်နှံသူများအစည်းအဝေးမတိုင်မီ ဟိုတယ်အပြင်မှာ သေနတ်နဲ့ ပစ်ခတ်ခံရပြီးနောက် သေဆုံးသွားခဲ့တာဖြစ်ပါတယ်။

Ref:BBC
Photo:Fox